На каждый день существуют имена святых в церковном календаре и на литургии их имена звучат в тропарях и кондаках включённых в богослужение церкви.
Церковный календарь сам является ориентиром или упорядоченным временем! Круг церковных праздников и памяти святых освящают каждую частицу времени предавая и сообщая этой частице непреходящую ценность. А святые небожители круглый год ежедневно несут дежурство на нашей планете. (из конспекта семинара "Сокровенный Афон" Ольги Кашлаковой)
Тропарь в честь воспоминания явления на небе Креста Господня глас 8 Креста Твоего образ ныне паче солнца возсия,/ егоже от горы святыя даже до лобнаго места простерл еси/ и в нем Твою, Спасе, крепость уяснил еси./ сим укрепляя нас/ и спасай выну в мире/ молитвами Богородицы, Христе Боже, и спаси нас. Кондак в честь воспоминания явления на небе Креста Господня глас 4 Отверзый небеса заключенная,/ на небеси пресветлыя лучи,/ на земли возсия пречистый Крест;/ Темже сияний Его действа приемше,/ к незаходимому наставляемся свету/ и во бранех имамы Его оружие мира/ непобедимую победу. Тропарь преподобного Нила Сорского глас 4 Удалився бегая Давидски мира,/ и вся яже в нем яко уметы вменив,/ и в месте безмолвне вселився,/ духовныя радости исполнился еси, отче наш Ниле:/ и Единому Богу изволив служити,/ процвел еси яко финикс,/ и яко лоза благоплодна умножил еси чада пустыни./ Темже благодарственно вопием:/ слава Укрепившему тя в подвизе пустынножительства,/ слава Избравшему тя в России отшельником уставоположника изрядна,/ слава молитвами твоими и нас Спасающем. Ин тропарь преподобного Нила Сорского глас 1 Мирскаго жития отвергся/ и мятежа житейскаго бегая,/ преподобне и Богоносне отче наш Ниле,/ не обленился еси собрати цветы райския от писаний отеческих/ и, в пустыню вселився,/ процвел еси, яко крин сельныи,/ отонюду же прешел еси и в Небесныя обители;/ научи и нас, честно почитающих тя,/ твоим царским путем шествовати/ и молися о душах наших.
Кондак преподобного Нила Сорского глас 8 Любве ради Христовы удалився мирских смущений,/ радостною душею вселился еси в пустыни,/ в нейже подвизався добре,/ яко Ангел на земли, отче Ниле, пожил еси:/ бдением бо и постом тело свое изнурил еси вечныя ради жизни./ Еяже ныне сподобився,/ во свете неизреченныя радости Пресвятей Троице со святыми предстоя,/ моли, молимтися, припадающе, чада твоя,/ сохранитися нам от всякаго навета и злых обстояний/ видимых и невидимых враг/ и спастися душам нашим. Ин кондак преподобного Нила Сорского глас 3 Терпя, потерпел еси суетныя обычаи/ и мирския нравы братии твоих,/ обрел еси пустынное безмолвие, преподобне отче,/ идеже постом, бдением и непрестанною молитвою в трудех подвизався,/ ученьми твоими правыя стези указал еси нам/ шествовати ко Господу./ Темже и почитаем тя, всеблаженне Ниле. Тропарь преподобного Шио Мгвимского глас 8 В тебе, отче, известно спасеся еже по образу,/ приим бо крест, последовал еси Христу,/ и, дея, учил еси презирати убо плоть, преходит бо,/ прилежати же о души, вещи безсмертней./ Темже и со Ангелы срадуется, преподобне Шио, дух твой. Кондак преподобного Шио Мгвимского глас 4 Житие твое служением Господним исправил еси/ и, взем крест, оставил еси вся житейская,/ красото пустыни, преподобне Шио./ Кого убо паче тя, и по смерти жива суща/ страна Иверская почитает/ и мощми твоими, от гроба явленными услаждается,/ темже не престай моляся о нас ко Господу.
Тропарь Божией Матери пред иконой Ее Жировицкой глас 5 Пред святою Твоею иконою, Владычице,/ молящиися исцелений сподобляются,/ веры истинныя познание приемлют/ и агарянская нашествия отражают/ Темже и нам, к Тебе припадающим,/ грехов оставления испроси,/ помыслами благочестия сердца наша просвети/ и к Сыну Твоему молитву вознеси/ о спасении душ наших. Ин тропарь особый Божией Матери пред иконой Ее Жировицкой глас 2 Помощи от Тебе требующий не презри, Владычице,/ и милосердия бездну отверзи всем,/ притекающим к цельбоносней иконе Твоей./ Печали наша житейский утоли, Всещедрая,/ и от юдоли сея плачевныя/ к радости вечней верныя Твоя престави:/ Тебе бо вси стяжахом надежду и утверждение,/ милости источник, покров и спасение душ наших. Кондак Божией Матери пред иконой Ее Жировицкой глас 4 Величия Твоя кто исповесть,/ Пресвятая Дево,/ Творца всех Христа Бога рождшая?/ Едина бо еси Мати и Дева/ Преблагословенная и Препрославленная,/ упование наше, источник благостыни,/ верным прибежище и миру спасение. Тропарь в честь обретения мощей преподобного Нила Мироточивого глас 1 Монашествовав богоугодно в Горе Афонстей,/ в молитвах и постех Бога взыскал еси/ и стал еси приятелище чистое Духа,/ облиставая верным добродетелей лучи,/ имиже осияваеши, Ниле, вопиющих тебе:/ слава прославльшему тя Богу,/ слава Венчавшему тя,/ слава Действующему тобою всем исцеления.
Кондак в честь обретения мощей преподобного Нила Мироточивого глас 3 Еже от земли явление/ священных мощей твоих, Ниле,/ совозсия сиянию Креста,/ того бо вожделел еси тепле от младенства,/ кости твоя, сораспявшияся Христови,/ воскресшему яко превечному Богу,/ Того пришла благодать. Тропарь Божией Матери пред иконой Ее Любечской глас 4 Преблагословенная Царице,/ Пречистая Дево Богородице,/ прославльшая град Любеч/ угодника Твоего преподобнаго Антония Печерскаго рождением и чудотворныя иконы Твоея явлением,/ молим Тя, Всеблагая:/ моли за ны рождшагося от Тебе Царя,/ Христа Бога нашего,/ и Матерним Твоим к Нему предстательством избави нас от всякаго зла,/ недуги наша исцели, печали наша утоли/ и наследники яви нас Царствия Небеснаго,/ яко Милосердна. Кондак Божией Матери пред иконой Ее Любечской глас 8 Притецем, вернии, к многоцелебному образу Заступницы нашел, Богородицы Марии,/ и, припадающе к нему с любовию, сице рцем:/ о Всепетая Мати, о Царице Всемилостивая,/ призри свыше благосердием Твоим на ны, недостойныя,/ и молитвами угодника Твоего, преподобнаго Антония Печерскаго,/ яви нам Твоя милости и щедроты:/ в болезнех исцеление, в скорбех утешение,/ в бедах скорую помощь нам даруй,/ и вся ны спаси, на Тя уповающий, да зовем Ти:/ радуйся, Дево, христиан заступление
Прпп. Пимена постника (XII) и Арсения трудолюбивого (XIV), Печерских.
Молитвы Тропарь апостола Иоанна Богослова глас 2 Апостоле, Христу Богу возлюбленне,/ ускори избавити люди безответны,/ приемлет тя припадающа/ Иже падша на перси приемый./ Егоже моли, Богослове,/ и належащий облак языков разгнати,// прося нам мира и велия милости.
Кондак апостола Иоанна Богослова глас 2 Величия твоя, девственниче, кто повесть?/ Точиши бо чудеса, и изливаеши исцеления,/ и молишися о душах наших,// яко Богослов и друг Христов.
Тропарь преподобного Арсения глас 8 Слез твоих теченьми пустыни безплодное возделал еси,/ и иже из глубины воздыханьми во сто трудов уплодоносил еси,/ и был еси светильник вселенней, сияя чудесы, Арсение отче наш,// моли Христа Бога спастися душам нашим.
Кондак преподобного Арсения глас 3 От Рима возсиял еси, якоже солнце великое,/ и к Царскому граду достигл еси, преблаженне,/ словесы твоими просвещая сего и делы,/ всяку неразумия мглу отгоня./ Сего ради тя почитаем,// отцев славо, Арсение преподобне. Тропарь преподобного Арсения трудолюбивого глас 8 Слез твоих теченьми пустыни безплодное возделал еси,/ и иже из глубины воздыханьми во сто трудов уплодоносил еси,/ и был еси светильник вселенней, сияя чудесы, Арсение отче наш,/ моли Христа Бога спастися душам нашим. Кондак преподобного Арсения трудолюбивого глас 8 Яже на земли оставль, Христовым стопам последовал еси тепле/ и, Того, славне, на рамо взем честный крест,/ умертвил еси труды постническими телесныя желания, треблаженне./ Темже зовем ти: радуйся, отче Арсение.
22/9 мая Прор. Исаии (VIII до Р.Х.). Мч. Христофора (ок. 250). Перенесение мощей святителя и чудотворца Николая из Мир Ликийских в Бари (1087). Прп. Иосифа Оптинского (1911). [/spoiler] Сщмч. Димитрия пресвитера (1938). Сщмч. Василия пресвитера (1939). Прп. Шио Мгвимского (VI).
Молитвы
Тропарь святителя Николая глас 4 Приспе день светлаго торжества,/ град Барский радуется,/ и с ним вселенная вся ликовствует/ песньми и пеньми духовными:/ днесь бо священное торжество/ в пренесение честных и многоцелебных мощей/ святителя и чудотворца Николая,/ якоже солнце незаходимое, возсия светозарными лучами,/ разгоняя тьму искушений же и бед/ от вопиющих верно:// спасай нас, яко предстатель наш, великий Николае.
Ин тропарь святителя Николая глас 4 Отечество свое, Миры Ликийския, не оставль духом,/ во прежирный град Барский преславно телом пренесеся, архиерею Николае./ И оттуду множество человеческое своим пришествием возвеселил еси/ и болящия исцелил еси./ Темже тя молим, святителю Николае,/ моли Христа Бога,/ да спасет души наша.
Кондак святителя Николая глас 3 Взыде, яко звезда, от востока до запада/ твоя мощи, святителю Николае,/ море же освятися шествием твоим,/ и град Барский приемлет тобою благодать:/ нас бо деля явился еси чудотворец изящный,// предивный и милостивый.
Тропарь пророка Исаии глас 2 Пророка Твоего Исаии память, Господи, празднующе,/ тем Тя молим:/ спаси души наша.
Кондак пророка Исаии глас 2 Пророчества дарование прием, пророкомучениче, Исаие Богопроповедниче,/ всем изъяснил еси вочеловечение Господне,/ возгласив велегласно концем:/ се Дева во чреве приимет.
Тропарь мученика Христофора глас 4 Одеждами от кровей украшался,/ Господеви предстоиши, Царю сил, Христофоре приснопамятне,/ отонудуже со Безплотными и мученики поеши/ трисвятым и страшным сладкопением./ Темже молитвами твоими спасай стадо твое.
Кондак мученика Христофора глас 2 Свыше, премудре, звание приял еси,/ Христу тезоименит быв, Христофоре славне,/ мучеником Божественная доброто./ С ними же всегда моли/ согрешений разрешение даровати нам.
Тропарь преподобного Шио Мгвимского глас 8 В тебе, отче, известно спасеся еже по образу,/ приим бо крест, последовал еси Христу,/ и, дея, учил еси презирати убо плоть, преходит бо,/ прилежати же о души, вещи безсмертней./ Темже и со Ангелы срадуется, преподобне Шио, дух твой.
Кондак преподобного Шио Мгвимского глас 4 Житие твое служением Господним исправил еси/ и, взем крест, оставил еси вся житейская,/ красото пустыни, преподобне Шио./ Кого убо паче тя, и по смерти жива суща/ страна Иверская почитает/ и мощми твоими, от гроба явленными услаждается,/ темже не престай моляся о нас ко Господу.
Кондак апостола Симона Зилота глас 2 Известно премудрости учения в душах благочествующих положшаго/ во хвалении ублажим, яко богоглаголиваго, вси Симона:/ престолу бо славы ныне предстоит и со Безплотными веселится,// моляся непрестанно о всех нас. Тропарь святителя Симона, чудотворца Печерского, епископа Владимирского и Суздальского, в Киеве, в Ближних пещерах почивающего глас 1 Житий преподобных отец Печерских списателю известный,/ святителю Христов Симоне всеблаженне,/ молися прилежно с ними Христу Богу,/ да управит в мире живот наш/и в книги животныя да напишет ны,/ спасая души наша.
Кондак святителя Симона, чудотворца Печерского, епископа Владимирского и Суздальского глас 2 Святительства одеждою,/ аще и достойне одеялся еси,/ обаче тем не возносяся,/ желал еси паче сметием пред враты Лавры Печерския поврещися,/ смиренномудре Симоне./ Темже, не аки сметие, врат вне,/ но, яко сокровище, внутрь святыя пещеры положен быти сподобился еси,/ и ныне на Небеси Господеви предстоя,/ молися о нас, чтущих тя.
Тропарь блаженного Симона, Христа ради Юродивого, Юрьевецкого глас 8 Яко воистинну гласа апостольскаго/ послушатель был еси, блаженне Симоне,/ Христа бо ради изволив имети буйство,/ в немже соблюл еси твоя к Богу добродетели, посреде молв некрадомы,/ терпением убо пачеестественным Христа подражав,/ посрамил еси льстиваго всю гордыню,/ тем и в лютых ранах,/ якоже древний Лазарь, в недра Авраамля преселился еси,/ идеже и ныне утешаяся, посещай град твой,/ почитающий любовию святую память твою.
Кондак блаженного Симона, Христа ради Юродивого, Юрьевецкого глас 4 Возгоревся рачением Горним,/ жестость вольнаго юродства паче всех сладких мира предпочел еси,/ отонудуже повинуся ти огнь,/ от егоже запаления град твой Юрьевец избавил еси,/ и воды немокренно, яко по суху, прешел еси,/ и хотящия быти предрекл еси,/ прославльшу тя тако Богу,/ к Немуже моляся и о нас,/ поющих тя, блаженне Симоне, поминай.
24/11мая Сщмч. Мокия (ок. 295). Равноапп. Мефодия (885) и Кирилла (869), учителей Словенских.Равноапостольного Ростислава, князя Великоморавского (870).
Сщмч. Михаила пресвитера (1920). Сщмч. Александра, архиеп. Харьковского (1940).
Прп. Софрония, затворника Печерского (XIII). Свт. Никодима, архиеп. Сербского (1325). Сщмч. Иосифа, митр. Астраханского (1672). Мучеников, в долине Ферейдан (Иран) от персов пострадавших (XVII).
Молитвы Кондак на молебне равноапостольного Кирилла глас 2 Твердаго и Богодохновеннаго учения/ просвещая мир пресветлыми зарями,/ обтече, яко молния, вселенную, Кирилле святе,/ разсевая Божие слово на западе, и севере, и юзе,/ мир просвещая учением, святе. Ин кондак на молебне глас 2 Пресветло житие возлюби, святе,/ зарями трисолнечными Божества освещаемь,/ прииде, яко молния, во всю вселенную,/ северную и южную земли просвещая,/ западным же свет незаходим явися./ Темже и ныне мрак греховный прогнав, святе,/ свыше испроси благодать духовную,/ имаши бо дерзновение к Богу. Тропарь равноапостольных Мефодия и Кирилла глас 4 Яко апостолом единонравнии/ и словенских стран учителие,/ Кирилле и Мефодие богомудрии,/ Владыку всех молите,/ вся языки словенския утвердити в Православии и единомыслии,// умирити мир и спасти души наша.
Кондак равноапостольных Мефодия и Кирилла глас 3 Священную двоицу просветителей наших почтим,/ Божественных писаний преложением источник богопознания нам источивших,/ из негоже даже доднесь неоскудно почерпающе,/ ублажаем вас, Кирилле и Мефодие,/ Престолу Вышняго предстоящих// и тепле молящихся о душах наших.
Тропарь священномученика Мокия глас 4 И нравом причастник,/ и престолом наместник апостолом быв,/ деяние обрел еси, Богодухновенне,/ в видения восход;/ сего ради, слово истины исправляя,/ и веры ради пострадал еси даже до крове,/ священномучениче Мокие./ Моли Христа Бога/ спастися душам нашим. Кондак священномученика Мокия глас 8 Вооружився щитом веры,/ нечестивых ополчения стерл еси, священномучениче,/ и венец от Христа взял еси, Мокие,/ тем и, со Ангелы радуяся, спасай от бед поющия тя,/ моля непрестанно о всех нас. Тропарь священномученика Иосифа, митрополита Астраханского глас 6 Подвигом добрым подвизався,/ жизнь твою страданиями за правду увенчав,/ преселился еси в Небесныя обители,/ идеже предстоя Престолу Святыя Троицы,/ моли, святителю Иосифе,/ граду Астрахани и отечеству нашему в мире спастися. Кондак священномученика Иосифа, митрополита Астраханского глас 2 Яко звезда пресветлая,/ возсиял еси, святителю Иосифе, во Астрахани,/ идеже родился и воспитался еси/ и за верность Богу и властем законным мученическую смерть приял еси./ Мы же, чтуще страдания твоя, зовем ти:/ святителю Иосифе, от мятежников убиенный,/ моли Христа Бога о душах наших.
Тропарь святителя Никодима, архиепископа Сербского глас 4 Правило веры и образ кротости,/ воздержания учителя/ яви тя стаду твоему,/ Яже вещей Истина,/ сего ради стяжал еси смирением высокая,/ нищетою богатая,/ отче священноначальниче Никодиме,/ моли Христа Бога,/ спастися душам нашим. Тропарь преподобного Софрония, затворника Печерского, в Дальних Пещерах глас 1 Пространна пути, ведуща в пагубу,/ блаженне Софроние, угонзая,/ затворился еси в темне месте пещернем,/ идеже день и нощь в молитвах и слезах/ и в ручном деле подвизаяся,/ обрел еси вечный живот и наслаждение. Ин кондак на молебне глас 2 Пресветло житие возлюби, святе,/ зарями трисолнечными Божества освещаемь,/ прииде, яко молния, во всю вселенную,/ северную и южную земли просвещая,/ западным же свет незаходим явися./ Темже и ныне мрак греховный прогнав, святе,/ свыше испроси благодать духовную,/ имаши бо дерзновение к Богу.
25/12 мая Свт. Епифания, еп. Кипрского (403). Свт. Германа, патриарха Константинопольского (740). Прославление сщмч. Ермогена, патриарха Московского и всея России, чудотворца (1913). Сщмч. Петра, пресвитера (1937). Свтт. Савина, архиеп. Кипрского (V) и прочих свтт. Кипрских. Свт. Полувия, еп. Ринокирского (V). Прп. Дионисия Радонежского (1633). Мч. Иоанна Валаха (1662). Второе обретение мощей прав. Симеона Верхотурского (1992).
Молитвы Тропарь святителей Епифания и Германа глас 4 Боже отец наших,/ творяй присно с нами по Твоей кротости,/ не отстави милость Твою от нас,/ но молитвами их/ в мире управи живот наш.
Кондак святителей Епифания и Германа глас 4 Священноначальник чудную двоицу восхвалим, вернии, по долгу,/ с Германом Божественнаго Епифания:/ сии бо попалиша безбожных языки,/ догматы премудрейшия возложше всем,/ православно поющим присно благочестия великое таинство.
Тропарь священномученика Ермогена глас 4 Приспе день светлаго торжества,/ град Москва радуется,/ и с ним Русь Православная ликовствует/ песньми и пеньми духовными:/ днесь бо священное торжество/ в явлении честных и многоцелебных мощей/ святителя и чудотворца Ермогена,/ якоже солнце незаходимое, возсия светозарными лучами,/ разгоняя тьму искушений же и бед/ от вопиющих верно:// спасай нас, яко предстатель наш, великий Ермогене. Кондак священномученика Ермогена глас 6 Темницею и гладом изнуряем,/ даже до смерти верен пребыл еси, блаженне Ермогене,/ малодушие от сердец людей твоих отгоняя/ и на общий подвиг вся призывая./ Темже и нечестивых мятеж низложил еси и страну нашу утвердил еси,/ да вси зовем ти:// радуйся, заступниче Российския земли. Тропарь преподобного Дионисия, архимандрита Радонежского глас 3 Земная, прельщающая очеса миролюбцев,/ возненавидел еси, отче Богоносне Дионисие,/ за уметы та вменив,/ шествуя путем скорбным,/ и в терпении добр воин Христов явился еси,/ победив страсти мира,/ был еси до кончины непоколебимый благочестия поборник./ Темже мы днесь, совершая священную память твою,/ духовными тя песньми ублажаем и смиренно молим,/ да, предстоя Престолу Господа Бога,/ ходатайствуеши о спасении душ наших.
Ин тропарь преподобного Дионисия, архимандрита Радонежского глас 4 Благости научився от Вышняго благодати,/ измлада подвизався благою совестию,/ Дионисие преподобне,/ терпения столп был еси/ и слова Божия проповедник,/ благочестия догматы утвердив и суеумных мудрование упразднив,/ темже и пострадал еси за истину, радуяся,/ образ страдальцем собою показав,/ но, яко имея дерзновение ко Христу Богу,/ не престай моляся о нас,/ любовию чтущих святую память твою.
Кондак преподобного Дионисия, архимандрита Радонежского глас 6 Свет Трисиянный, вселивыйся в душу твою,/ сосуд избран показа тя,/ вещающа Божественная людем,/ исповедник Божия Слова явился еси,/ и прилагающих Божеству вещественный огнь/ явственно обличил еси,/ и злославных смыслы, яко паучинное прядение, растерзал еси,/ благочестия столп и забрало твердое мирови показался еси/ и сего ради от Вселенскаго Патриарха дивне похвален был еси./ Мы же благодарными гласы, веселящеся, вопием ти:/ радуйся, отче наш, Дионисие преподобне.
Ин кондак преподобного Дионисия, архимандрита Радонежского глас 4 Правило веры, столп благочестия/ был еси, Богоносне Дионисие,/ явив в себе образ и пример/ преуспеяния добродетели и подвигов:/ сею Евангельскою мрежею/ многих уловил еси подражателей,/ подай блестящею на Небеси славою своею/ ревность к содействованию на пользу правоверных./ Темже мы, ныне воспевающе сия, молим тя,/ да ходатайствуеши о стране нашей/ и о всем Церкви исполнении.
26/13 мая Мц. Гликерии девы и с нею мч. Лаодикия, стража темничного (ок. 177).
Сщмчч. Василия, Александра и Христофора пресвитеров, прмч. Макария и мч. Сергия (1922). Мчч. 103 Черкасских (XX).
Мч. Александра Римского (ок. 284-305). Свт. Павсикакия, еп. Синадского (ок. 606). Свв. Георгия исп. с супругою Ириною и чадами (IX). Прп. Евфимия Иверского (1028) . Прав. Гликерии девы, Новгородской (1522). Перенесение мощей прмч. Макария Каневского, игумена Пинского, Переяславского чудотворца (1688).
МолитвыТропарь мученицы Гликерии девы глас 4 Агница Твоя, Иисусе, Гликерия,/ зовет велиим гласом:/ Тебе, Женише мой, люблю,/ и, Тебе ищущи, страдальчествую,/ и сраспинаюся, и спогребаюся крещению Твоему,/ и стражду Тебе ради,/ яко да царствую в Тебе, и умираю за Тя,/ да и живу с Тобою,/ но, яко жертву непорочную, приими мя, с любовию пожершуюся Тебе./ Тоя молитвами,/ яко Милостив, спаси души наша. Кондак мученицы Гликерии девы глас 3 Деву любящи и Богородицу Марию,/ соблюла еси нетленно твое девство,/ любовию же ко Господу усердствовавши,/ пострадала еси мужемудренно даже до смерти./ Сего ради и сугубым тя, дево мученице, венцем венчает Христос Бог. Тропарь преподобномученика Макария, архимандрита Каневского глас 4 Христу, нас ради с Небес сошедшему,/ последовал еси в подвизех твоих,/ Макарие, отче наш./ Егоже моли о нас, ублажающих тя,/ прощение прегрешений даровати нам,/ любовию же и смирением сердца наша озарити/ и спасти души наша. Ин тропарь преподобномученика Макария, архимандрита Каневского глас 4 Божественным желанием весь сам себе от юнаго возраста Господеви возложив,/ явился еси светильник светлый граду твоему,/ поучая всех истинней вере и житию богоугодному,/ священно-мучениче Макарие, Овручская похвало./ Сего ради, яко агнец непорочный, гонимый от распрелюбивых врагов,/ возшел еси во обитель Каневскую,/ идеже, яко пастырь добрый, душу твою положил еси за овцы твоя./ И ныне ко всечестней раце многоцелебных мощей твоих/ мы, грешнии, со умилением притекающе,/ дар исцеления приемлем, многострадальне:/ ты бо присно источаеши болящим здравие, печальным утешение/ и всем, чтущим тя, всякое исполнявши требование,/ моляся Христу Богу спастися душам нашим.
Ин тропарь преподобномученика Макария, архимандрита Каневского глас 8 Ко всечестней раце многоцелебных мощей твоих,/ преподобномучениче Макарие,/ мы, грешнии, притекающе, дар исцеления приемлем:/ ты бо присно источаеши болящим здравие, печальным утешение/ и всех, чтущих тя, всякое исполнявши требование,/ молящеся Христу Богу спастися душам нашим. Кондак преподобномученика Макария, архимандрита Каневского глас 4 Нетленною красотою смиреннаго жития твоего/ Бога на земли прославил еси/ и Божественный веры чистоту/ сохраняти люди научил еси,/ страдальческими же подвиги кончину прием,/ от Бога прославлен явился еси,/ преподобномучениче Макарие, отче наш. Ин кондак преподобномученика Макария, архимандрита Каневского глас 2 Постническое и равноангельное житие твое/ страдальческими уяснил еси подвиги/ и Ангелом совсельник, Богоблаженне, явился еси, Макарие,/ с нимиже Христу Богу моляся не престай/ о всех нас. Тропарь праведной Гликерии девы, Новгородской глас 8 Вышния красоты желающи,/ нижния сласти телесныя далече от себе отринула еси/ и, нестяжание паче суетнаго мира возлюбивши,/ ангельское житие провождала еси, Гликерие, дево блаженная,/ моли Христа Бога спастйся душам нашим.
Ребят пишу в первую попавшуюся тему. нужна молитвенная и денежная помощь больному лейкозом мальчику Роме Гончаренко из Винницы . ситуация критическая на физике можно не успеть. в моем мире Лена ленчик дала ссылку, она опекает мальчика. счет в приватбанке26202603444886 Гончаренко Валерий Степанович тел.0632802801. Рома боец сильная душа.
Соборная молитва с выносом чаши о болящем Роме всё что можем пока... сегодня открыл новые сообщения за 5 мин до начала литургии, и вижу это сообщение... спаси Господи!
Неделя 7-я по Пасхе, святых отцев I Вселенского Собора. Глас 6. Поста нет.
Мч. Исидора (251). Блж. Исидора Твердислова, Христа ради юродивого, Ростовского чудотворца (1474).
МолитвыТропарь блаженного Исидора, Христа ради юродивого глас 4 Просветився Божественною благодатию, Богомудре,/ целомудрием многим и терпением/ во временней жизни течение добре скончал еси./ Тем и по смерти яви тя светлость жития твоего:/ источавши бо исцелений благодать/ иже с верою притекающим ко святому твоему гробу,/ Исидоре блаженне,/ моли Христа Бога,/ да спасет души наша. Ин тропарь блаженного Исидора, Христа ради юродивого глас 4 От земли Воззвавый тя на вечныя обители,/ соблюдает и по смерти тело твое невредимо,/ святе Исидоре,/ ты бо в целомудрии и чистоте жития пожил еси, блаженне,/ не осквернив своего телесе,/ темже со дерзновением Христа Бога моли/ спастися душам нашим. Ин тропарь блаженного Исидора, Христа ради юродивого глас 1 Божественною свыше просветився благодатию, Богомудре,/ многим терпением во временней жизни течение совершил еси,/ темже и по успении источавши чудеса/ иже с верою приходящим к раце мощей твоих, Исидоре всеблаженне./ Слава Давшему ти крепость,/ слава Прославльшему тя в чудесех,/ слава Действующему тобою всем исцеления.
Кондак блаженного Исидора, Христа ради юродивого глас 8 Взбранному и дивному в праведницех,/ иже убо от Христа дар чудес приимшему,/ похвальный ныне принесем глаголы,/ но яко имея дерзновение ко Святей Троице,/ Юже моли избавитися от бед рабом твоим, да зовем ти:/ радуйся, Богомудре Исидоре. Ин кондак блаженного Исидора, Христа ради юродивого глас 4 Верою память твою, блаженне, совершающий,/ соблюдай от всякия злобы и соблазна змиина,/ имаши бо дерзновение ко всех Владыце, Христу Богу,/ Егоже моли избавитися от бед и напастей рабом твоим,/ Богомудре Исидоре. Тропарь мученика Исидора глас 4 Мученик Твой, Господи, Исидор/ во страдании своем венец прият нетленный от Тебе, Бога нашего,/ имеяй бо крепость Твою/ мучителей низложи,/ сокруши и демонов немощныя дерзости./ Того молитвами/ спаси души наша.
Кондак мученика Исидора глас 4 Управитель превеликий вселенней ты явился еси, святе,/ твоими к Богу молитвами,/ темже воспеваем тя днесь,/ мучениче Богомудре,/ Исидоре преславне. Тропарь святителя Никиты, затворника Печерского, еп. Новгородского глас 2 Небеснаго пространства желая,/ от юности в тесне месте затворился еси,/ в немже прельщен быв от врага,/ паки смирением и послушанием/ победил еси прелестника крепце, Никито,/ и ныне, предстоя Христови,/ моли спастися всем нам. Кондак святителя Никиты, затворника Печерского, еп. Новгородского глас 1 Победив вражия лести добле и светло добротедельми просияв, святительства одеждою облеклся еси, преславне Никито, в немже светом жития твоего и чудесы сияя паче солнца, многих просветив, привел еси Христови, Егоже моли о нас, поющих тя.
МолитвыТропарь благоверного царевича Димитрия глас 4 Царскую диадиму обагрил еси кровию твоею,/ Богомудре мучениче,/ за скиптр Крест в руку приим,/ явился еси победоносец/ и жертву непорочну Владыце принесл еси себе:/ яко бо агнец незлобив, от раба заколен еси./ И ныне, радуяся, предстоиши Святей Троице,/ молися о державе сродников твоих богоугодней быти/ и сыновом российским спастися. Ин тропарь благоверного царевича Димитрия глас 1 Всеоружеством Духа благодати вооружен быв/ и необорим столп и утверждение отечеству своему показася,/ яко агнец незлобивый, от врага неправедно заклан быв/ и в жертву непорочну Господеви принесеся./ И ныне дар благодати от всех Подвигоположника прием,/ источавши всем исцеление, достохвальне благоверный царевичу княже Димитрие./ Слава Восприимшему тя от земных в Небесная,/ слава Венчавшему тя венцем неувядаемым,/ слава Действующему тобою всем исцеление. Кондак благоверного царевича Димитрия глас 8 Возсия днесь в славней памяти твоей верным веселие,/ яко бо доброрасленный грезн, прозябл еси/ и Христу красен плод принесл еси себе;/ темже и по убиении твоем соблюде тело твое нетленно,/ страдальчески обагреное кровию./ Благородие святе Димитрие,/ соблюдай отечество твое и град твой невредим,/ тому бо еси утверждение. Тропарь святителя Исаии, епископа Ростовского, чудотворца глас 8 Православия наставниче,/ благочестия учителю и чистоты,/ Ростову пресветлый светильниче,/ святителем Богодохновенное удобрение,/ Исаие премудре,/ учением бо твоим вся Российския концы просветил еси благодатию духовною,/ святителю блаженне,/ моли Христа Бога, да спасет души наша.
Тропарь святителей Ростовских Леонтия, Исаии, Игнатия глас 4 Апостольским преданием, истинней вере проповедницы,/ и от тьмы к свету Богоразумия человеком наставницы,/ и за ны к Богу молебницы,/ на Небесная любовь возложисте к Любящему вы./ И ныне на Небеси со Ангелы и со всеми святыми ликовствующе/ у Престола славы всех Царя, Христа Бога нашего,/ святии чудотворцы Леонтие, и Исаие, и Игнатие,/ молите даровати стране нашей мир,/ на враги одоление,/ Церкви единомыслие/ и душам нашим велию милость. Тропарь святителям Ростовским глас 4 Святителие премудрии,/ паствы вашея учителие богопросвещеннии,/ веру евангельскую в людех преумножившия,/ любве Небесныя на земли достоподражательнии образи,/ люди страны Ростовския и Ярославския приобщавшии спасению,/ служителие воистинну Божий/ и сопричастницы апостолов достойнии явилися есте,/ Леонтие священномучениче, Исаие, Игнатие, Иакове, Феодоре/ и златословесниче Российский Димитрие,/ Христа Бога молите/ о архиереех, на престоле вашем преемницех,/ о людех, благочестно вас почитающих,/ о стране нашей православной/ и о всей Христовой Церкви. Ин тропарь святителя Исаии, епископа Ростовского, чудотворца глас 2 В иноцех святыя лавры Печерския/ благоискусен показавыйся/ и во архиерейстем сане добр пастырь/ своему стаду, Боголюбезне Исаие, бывый,/ моли о нас Пастыреначальника Христа Бога/ да помилует и спасет души наша. Кондак святителя Исаии, епископа Ростовского, чудотворца глас 3 Яко гром, возгремел еси Божественными твоими учении в Российстей земли/ и явился еси светильник пресветел,/ осияя светом Богоразумия, Исаие блаженне./ Темже вопием тй:/ Христа Бога моли непрестанно о всех нас.
Кондак святителей Ростовских Леонтия, Исаии, Игнатия глас 8 Яко во вселенней трие велицыи святителие,/ бысте вы благочестием и добродетелию наставницы Ростову/ и, благоверием приимше паству, стадо Христово упасосте/ и вечный покой наследовасте./ Молим вас, святии чудотворцы,/ подати добродетелем исправление,/ и болезнем нашим исцеление, и соблазном избавление,/ и душам спасение, да зовем вам:/ радуйтеся, граду нашему Ростову похвала и утверждение. Кондак святителям Ростовским глас 4 Новаго Завета Бога с человеки хранителие,/ евангельских заповедей исполнителие,/ в добрых делех совершеннии,/ святителие мудрии, преподобнии и праведнии Богоноснии,/ землю Ростовскую и Ярославскую/ облагоухавшии молитвами,/ именуемии вси и неименуемии,/ явленнии и сокровеннии,/ предстояще Живоначальней Троице,/ не отступайте от нас духом/ и Божественное милосердие преклоните к нам,/ да с дерзновением славу в Вышних Богу вси приносим,/ да пребудет на земли мир нерушимый,/ любовь же и благоволение/ посреде всех человек. Ин кондак святителя Исаии, епископа Ростовского, чудотворца глас 4 Своего епископска сана тезоименство храня,/ сирых, вдовиц и всех, зле страждущих,/ сам собою посещал еси любезне/ и, милостынею довольне тех ущедряя, яко отец,/ сподобился еси Ангелы на освящение церкве Печерския, святителю Исаие,/ принесен быти чудне,/ с нимиже молися Господеви о душах наших. Тропарь преподобного Пахомия Великого глас 8 Слез твоих теченьми пустыни безплодное возделал еси,/ и иже из глубины воздыханьми во сто трудов уплодоносил еси,/ и был еси светильник вселенней, сияя чудесы, Пахомие отче наш,/ моли Христа Бога спастися душам нашим.
Кондак преподобного Пахомия Великого глас 2 Светильник светел показался еси в концех,/ пустыню же грады сотворил еси множествы монашескими,/ сам себе распен, крест твой на рамо взем,/ и воздержанием тело изнурил еси,/ моля непрестанно о всех нас. Тропарь преподобного Евфросина Псковского глас 4 Житейскую печаль и всяк мятеж мира сего/ любве ради Христовы со дерзновением отвергл еси, блаженне,/ и повеленная распятым Господем Иисусом Христом/ вся исправил еси,/ и, Того ярем взем, во всем воли Его повинулся еси,/ и, благочестив делатель, животным заповедем Христовым/ благотрудно прилежал еси./ И сего ради Бог прослави тя/ и по преставлении чудеса показа от честнаго гроба твоя,/ Темже и неоскудно угобзися обитель твоя,/ и нищим бысть богатное пристанище и покров,/ отче наш преподобне Евфросине,/ моли Христа Бога, да спасет души наша. Ин тропарь преподобного Евфросина Псковского глас 4 Изволением Божественнаго разума вселися в пустыню/ и тамо вперив свой ум в Небесныя обители/ и равно Ангелом житие пожив на земли,/ в молитвах, и в трудех, и в пощениих образ быв своим учеником./ Темже Бог, видев твое благое изволение,/ умножи тебе чада в пустыни,/ слез твоих тучами напаяема,/ но, яко имея дерзновение к Богу,/ поминай стадо свое, еже собрал еси, мудре,/ и не забуди, якоже обещался еси, посещая чад своих,/ Евфросине, преподобне отче наш. Кондак преподобного Евфросина Псковского глас 8 Божиим светолитием просвещен, отче,/ постническое стяжав жительство, преподобне,/ иноком предобрый наставниче и постником благое украшение./ Сего ради Господь, труды твоя видев, даром чудес обогати тя,/ источавши бо исцеления./ Мы же, радующеся, вопием ти:/ радуйся, отче Евфросине, иноком удобрение.
Сщмч. Александра, еп. Иерусалимского (ок. 213-250). Мчч. Вита, Модеста и Крискентии (ок. 303). Блж. отроковицы Музы (V). Прмчч. отцов, в Лавре св. Саввы избиенных (614). Свт. Георгия II, еп. Митиленского (IX). Прпп. Кассиана (1537) и Лаврентия (1548) Комельских.
МолитвыТропарь преподобного Ефрема Перекомского глас 4 От юности твоей весь Богови поработился еси, блаженне,/ и Того ради любве отечество и род оставил еси,/ в пустыню вселився,/ в нейже жестокое житие показав,/ и чудес дарования от Бога приял еси,/ Ефреме преподобне./ Моли Христа Бога, да спасет души наша. Кондак преподобного Ефрема Перекомского глас 8 Ангельскому житию поревновав, преподобне,/ вся земная оставив, ко Христу притекл еси/ и, Того заповедьми ограждся,/ явился еси столп непоколебим от вражиих нападаний./ Тем зовем ти:/ радуйся, Ефреме, светило пресветлое. Тропарь преподобного Феодора глас 1 Пустынный житель, и в телеси Ангел,/ и чудотворец явился еси, богоносе отче наш Феодоре:/ постом, бдением, молитвою небесная дарования приим,/ исцеляеши недужныя и души верою притекающих ти./ Слава Давшему тебе крепость,/ слава Венчавшему тя,// слава Действующему тобою всем исцеления.
Кондак преподобного Феодора глас 2 В дому Божии, яко финикс, процвел еси,/ плоды же добродетелей Господеви принесл пощением изрядным,/ отче преподобне,/ темже и ублажаешися,// яко Безплотных равностоят
30/16 мая Ап. от 70-ти Андроника и св. Иунии (I). Прп. Додо Давидо-Гареджийского, Грузинского (596). Прп. Евфросинии, в миру Евдокии, блгв. вел. кн. Московской (1407).
МолитвыТропарь святых Андроника и Иунии глас 3 Апостоли святии,/ молите Милостиваго Бога,/ да прегрешений оставление// подаст душам нашим.
Кондак святых Андроника и Иунии глас 2 Звезду пресветлую,/ богоразумия светом просвещшаго языки/ апостола Христова Андроника восхвалим/ и с ним во благовестии потрудившуюся Иунию премудрую, вопиюще:// молите Христа Бога непрестанно о всех нас. Тропарь благоверной княгини Евдокии в инокинях Евфросинии глас 8 По земнем вдовстве Небесному Жениху себе уневестивши/ и в княжестем чертозе подвижнически поживши,/ послежде и чертог, и чад твоих/ Бога ради оставила еси, преподобная Евфросиние,/ и вшедши во обитель, тобою созданную,/ и во иночестем образе многи подвиги показала еси,/ и святое твое житие по благодати Божией блаженною кончиною увенчала еси./ И ныне предстоящи Христу Богу,// моли спастися душам нашим.
Кондак благоверной княгини Евдокии в инокинях Евфросинии глас 2 Вся красная мира сего, яко суетная, презревши/ и тело твое постом и бдением изнуривши,/ непрестанными молитвами Богу угодила еси,/ преподобная Евфросиние,/ и, дар исцелений от Него прияти сподобльшися,/ слепому прозрение и многим недужным иcцеление даровала еси./ Темже радостно взываем, глаголюще:// слава Богу, прославляющему святыя Своя.
31/18 мая Память святых отцев семи Вселенских Соборов. Мч. Феодота Анкирского и мцц. семи дев: Александры, Текусы, Клавдии, Фаины, Евфрасии, Матроны и Иулии (303). Мчч. Петра, Дионисия, Андрея, Павла и Христины Лампсакийских (249-251). Прп. Давида Гареджийского (VI-VII). Прп. Макария Алтайского (1847).
Сщмч. Михаила пресвитера (1932). Сщмч. Василия пресвитера (1942).
Мчч. Симеона, Исаака и Вахтисия (IV). Мчч. Давида и Таричана (683). Мчч. Ираклия, Павлина и Венедима Афинских.
Кондак мученика Феодота Анкирского и иже с ним глас 2 Страдальчески подвизався добре, со сострадальцы твоими, Феодоте,/ и венцы почести приясте с честными страстотерпицами девами.// Темже Христа Бога молите непрестанно о всех нас.
Соборная молитва с выносом чаши о болящем Роме всё что можем пока... сегодня открыл новые сообщения за 5 мин до начала литургии, и вижу это сообщение... спаси Господи! 